|
SubscriptionsSites I Read
|
|
|
|
| 一連4場《再見 情未了》終於完滿結束。 應該寫咩好呢...唔...首先好多謝大家黎捧場
不過，回顧4場，我做得最差(同埋overall成套戲黎講最差)&最hea既正正係最多朋友黎睇既第2場
真係so sorry =口= 可能因為，我既角色其實係個內心傷心到可以喊，不過我係絕對唔想D朋友同家人見到我咁既樣，所以真係有D馬虎了事既心態，又可能，因為導演唔係度既關係，我更加想hea過，又同埋，第一場既時候見到D觀眾竟然會笑，不禁令我覺得，其實我都唔洗咁有感情地做。 不過剛剛過左既最後一場，真係好感動，大家都做得好好好有energy，而我亦都唔理37 21豁出去去到最盡，真係超爽。雖然仲未聽導演既evaluation，但其它演員都肯定左我既進步，實在太好。 尾場，謝幕過後，發覺好多人都喊左，可惜既係由於趕住執野走既關係，無時間大家&導演聚埋一齊講下D感動既感想，無得盡情地大家一齊喊，可惜可惜... 最後好想多謝導演，教左我唔少野，多謝我個偽老公，帶到我入戲，多謝其它演員s，俾左好多意見同支持我，大家一齊合力搞好一件事既感覺，真係非常美好。 情1 GOOD SHOW! | | |
| 終終終於
我向所有既上司,老細表明左我要resign
或者無乜人會明白,我resign係需要幾大既勇氣同決心
而我又係幾咁驚同各位老細解釋、傾計 不過,結果呢D傾計既過程無我想像中咁難渡過 同arakawa san既對話,係窩心感動既
好感謝佢對我既諒解同支持
而佢果D好似小朋友既反應,令我深深覺得...荒川ちゃんやっぱりかわいい！
同埋佢果句“自分の人生は自分が決めるもんね”
不禁令我覺得佢有D型 同老細既對話,係心中有愧既
總覺得,佢問我原因果陣,係比arakawa san較為有壓迫感,亦令我覺得好sorry
當佢講出佢自己D感想果陣,我除左點頭附和,幾乎講唔出任何既說話
好在最後都講左句多謝,將我當時既心情稍稍表達左俾佢知
“俺はとまない、とめない、もう決まったでしょ？俺はただ、とても残念だと思う”
多謝,然後,抱歉 同M小姐既對話,係自由奔放既
不愧為香港人,對呢D野應該已經見慣見熟
當佢知道我會去歐遊,仲好興奮咁話: 好吖!我讚成候生果陣多D去見識下
之後仲好高興咁同我傾去歐洲D野,又分享下佢之前去澳洲讀書時既事...
Anyway,好開心,我既「儲蓄化零計劃」偉大既第一步,已經KO!
期待6月既歐遊,期待再之後既大小旅行(如有)
期待唔知會唔會好漫長既job hunting period
Yeah
| | |
| 一個你深深痛恨著的賤人，明明就在你眼前 明明心裡有千句萬句粗口想對他說 卻講不出聲...講不出聲... 那種無奈，那種心痛，有多少人能明白 每次看著你回給我的電郵 我心裡都千般百般滋味 很想立刻致電給你寸爆你 然而我清楚知道，我不能這樣 我不能越過這一條界 我不能摧毀我和你之間現有的關係 每次看見你和別人談得興高采烈 我心裡都一陣作嘔 我不禁要將你們移離我的視線及聽覺範圍 我知我這樣實在不夠大方 然而，若繼續讓我聽見你那爽朗的笑聲 我會忍不住想打爆你，和毒啞你 但願上天能賜我一枝永遠擦不掉痕跡的筆 我將會用它寫盡我對你的心跡 我不需要它們傳遞到你那兒去 我只望能夠有一本類似死亡筆記的詛咒筆記，作為我那些心跡的居所 我想儘量令自己更大方，更灑脫 我會祝福你跟你的情人 我不貪心 我不奢望你會粉身碎骨一敗塗地 我只望你能被你公司解僱 而在這之前，我能站在你面前 不再需要強顏歡笑 而是坦率地鬧爆你，寸爆你 然而，奢望始終是奢望 和現實相差太遠 我能做的，只是每天晚上，向星空祈禱 願上天能賜我這個夢 只要有這樣的一個夢 我就能更樂觀積極的面對新一天 今晚，我能夢到嗎? | | |
| 特首雖不代表我,但都算做左件好事 本人一向少睇時事,唔理政治,甚至連六四係咩都唔多知 (雖然最近陳雪茵既傳教行為令我都對六四識左多一dddddd) 但由於「曾蔭權不代表我」事件太hit,令我都不禁想寫返幾隻字 其實佢都幾慘,講錯幾句說話就咁俾人小法... 如果佢正面回答支持平反六四,佢點面對中央政府,佢既下場會點... 而就算話左支持平反,咁對成件平反計劃又有咩幫助...佢一個人既力量真係咁大咩,佢只不過係一個俾議員同市民鬧&出氣既人,佢又唔係好似奧巴馬咁一呼百應wor 如果佢唔表示支持平反,好似而家咁,仲要出埋「我既意見就係一般港人意見」既偉大言論 佢會俾人小爆,但同時,亦都勾起左更多人對六四事件既關注,至少我係其中一個 本來唔知六四係咩,覺得六四唔關自己事,而家想幫手為六四事件平反,甚至想去參加下d遊行示威... 一切全靠特首 我相信好似我咁既人應該唔少啩~ 起碼我肯定身邊有唔少人非常不滿,從而有左「代咩表我呀!我而家就清清楚楚咁話你知我係支時平反六四架!哼!!!」既諗法 成功反面地煽動人民 唔小心地做到一呼百應既效果 咁唔係幾好咩? 難道呢個根本就係特首既目的? 呢d叫精人出口,笨人出手? 佢寧願犧牲自己既民望,都要令更多人醒覺,關心&平反六四事件? 佢係中央政府面前表現出「愛國形象」,但其實暗地裡煽動緊我地反六四? who knows~ 我諗我大概係睇得巾幗梟雄太多,大奶奶上腦...「權謀呀....」 by the way... 巾幗梟雄好好睇!!!
柴九哥好正好趣緻!!!! 離題作結~ | | |
| 勁耐無entry tim! 隔左咁耐再寫,係因為...我要紀念!! 第一次去外國睇concert 第一次一個人睇concert 第一次睇我最愛既Mr.Children既concert!!! 日期係2009年4月4日 時間係晚上6時 地點係日本關東神奈川縣橫濱Arena 人物係我,一眾其它唔識既fans,同埋Mr.Children!! 等我笑返15聲先,哈哈哈哈哈哈哈哈哈哈哈哈哈哈哈 太開心喇~ 一切都係緣份 - Mr.Children幾年先開一次全國巡迴Live,點解咁啱佢今年開,而咁啱我今年仲係呢間公司做緊呢? - 點解佢開Live既月份,咁啱係我出business trip既月份呢? - 點解當我出tirp去東京既時候,佢個Live咁啱就巡到去東京既隔離-神奈川呢? - 點解我當初嘗試用唔同方法去撲飛但最終都不果,然而係4月4日中午,竟然俾我係新宿見到間賣二手飛既"黑店"有得賣呢? - 點解我明明完全唔夠日圓,但係又夠港紙呢? - 點解當個店員話因為當日係星期六,無地方有得換外幣既時候,我又會搵到地方有得換呢? 一切都係緣份 不過,雖然有緣,但沉重的代價,都係少不了 首先我以每100日圓=$10港紙既超唔抵匯率(前排日圓貴到癲果陣都係100對9之嘛!!)唱左約15,000yen 然後我以正價約300%既價錢,即22,000yen,購入門票一張 問:我究竟買貴左幾多錢呢? 又不過,我慳左機票錢同酒店錢wor~~ 唯有咁安慰自己 我想話我為左睇佢,真係傾家盪產(當時) 買完飛,得返2,000yen同$20港紙 好采都夠錢搭車返酒店... 之但係我係唔會後悔架!! 因為Mr.Children實在太正!! 雖然我個超級無敵終極山頂側面位,令我無乜視覺享受可言 但係聽覺&感覺享受係無容置疑 快歌歡欣,慢歌感人...真係好有感染力 特別係慢歌,比cd版更有感情,真係好good! 我愛死櫻井和壽既聲線喇>< 然後我第一次聽佢non唱歌把聲(即係講野果陣把聲) 比想像中無咁成熟,好可愛(炸) 然後佢係台上既跳脫,活躍表現,都令我睇得好開心(唯一視覺享受) 都係無人會明白有幾正架喇~算~我明就得 oh,唯一投訴係...時間咁短架!!6點開場,但9點前就完喇....唉我都知佢地攰架喇..又算lor...=3= 貼相時間 幾多人~ 幾多花牌~ 我個超級無敵終極側面位既view...我已經記住左櫻井和壽既側面剪影  今次Live既主題...好colorful, i like it 我用左約HK$2,000買返黎既飛...原價7,350yen(即港幣$700有找) 最後,等我重申,能夠令我嘔咁大篇entry出黎既,唯有... Mr.Children 哈哈哈哈,我承認我已經short左 | | |
|
